Nosta Presidënta è n valur

Home / Life / Nosta Presidënta è n valur

Dan da valgügn dis m’el gnü damané cich’al è i valurs secundo me. I arat ch’al sides tröpes respostes a chësta gran domanda. Düt cich’an vîr è n valur. L’respet reziproch è n valur. N  leresc zënza udlina à le medemo valur de n l’leresc d’isté. Valur è la consapevolëza. L’ega è n valur. S’la rì è n valur. Avëi n’obietif à plö valur de cich l’arjunjamënt dl’obietif instëss n’à. L’etica è n valur, nia l’ester moralisc. Avëi raisc è n valur. Mo n’avëi degünes; ince chësc è n valur. N bur implant a La Ila à manco valur de n bel pré vërt. La cava a San Ciascian che porta de gragn profic n’à dessigü nia plö valur dl’chît de n parch nazional. Nosta nöia Presidënta Elsa Zardini è n grandiscimo valur pur nos düc canc. Al è n valur ne punsé nia d’ester damì di atri ma ciudich’an pënsa de avëi valurs.
Ala Presidënta de düc i ladins Elsa Zardini, ti va les mius aodanzes pur avëi les forzes de ti sté dô ai valurs dla Ladinia.

michil costa, La Usc di Ladins, 29.11.2008

Rispondi

This site uses Akismet to reduce spam. Learn how your comment data is processed.

%d blogger hanno fatto clic su Mi Piace per questo: